Ըստ ՀՀ ֆինանսների նախարարության նախնական կանխատեսումների` ՀՀ պետական պարտքը 2012 թվականի տարեվերջի դրությամբ կկազմի 1,782.4 մլրդ դրամ կամ 4,374.9 մլն ԱՄՆ դոլար: Այդ մասին դեկտեմբերի 24-ին կայացած ամփոփիչ մամլո ասուլիսում ասել է ֆինանսների նախարար Վաչե Գաբրիելյանը:

Նա հիշեցրել է, որ 2011թ. դեկտեմբերի 31-ի դրությամբ ՀՀ պետպարտքը կազմել է 1 տրլն 592 մլրդ դրամ կամ 4 մլրդ 128 մլն դոլար: Ընդ որում, ըստ նրա, եթե նախորդ տարի արտաքին պարտքը ՀՆԱ համեմատ կազմում էր 30,1 տոկոս, ալա 2012թ. այդ ցուցանիշը հասել է 31,1 տոկոսի: