«Առէկսիմբանկ-Գազպրոմբանկի խումբ» ՓԲԸ-ն ստեղծել է հատուկ կայք էլեկտրոնային առևտրի «E-commerce» ծառայությունից օգտվող ընրկերությունների ու կազմակերպությունների համար` http://ecom.areximbank.am/: Այն թույլ կտա առավելագույնս հեշտացնել տվյալ ծառայությանը միանալու գործընթացը, ինչպես նաև ստանալ առցանց խորհրդատվություն հետաքրքրող հարցերի վերաբերյալ: Այս մասին հաղորդում է բանկի մամուլի ծառայությունը:
Visa ինտերնետ-էքվայրինգը` դա ժամանակակից, հուսալի և անվտանգ մեխանիզմ է, որը թույլ է տալիս համացանցում Visa և MasterCard վճարային քարտերով կատարել վճարումներ ապրանքների և ծառայությունների դիմաց: Ինտերնետ-էքվայրինգը թույլ է տալիս էապես ընդլայնել ավանդական առևտրի հնարավորությունները, որը կօգնի Հայաստանի առևտրի և սպասարկման ձեռնարկություններին մուտք գործել էլեկտրոնային առևտրի համաշխարհային շուկա: Ինտերնետ-էքվայրինգ ծառայության մեկնարկի շնորհիվ հայաստանյան սպառողները, ինչպես նաև ամբողջ աշխարհում Visa և MasterCard քարտապանները կարող են արագ և հեշտությամբ վճարել ապրանքների և ծառայությունների դիմաց` Visa և MasterCard քարտով վճարումներ ընդունող երկրի ցանկացած օնլայն խանութում, իսկ առևտրի և սպասարկման ձեռնարկություններին հնարավորություն է ընձեռնվում ստանալ անկանխիկ գումարներ` տրամադրված ապրանքների և ծառայությունների դիմաց:
Հիշեցնենք, որ Առէկսիմբանկը Հայաստանում առաջին բանկն է, որը հավաստագրվել է Visa ընկերության կողմից` ինտերնետի համաշխարհային ցանցում Visa քարտերի էքվայրինգ իրականացնելու համար:
