Փարիզի պատժական ատյանը դատապարտել եւ պահանջել է հանել ինտերնետային այն էջը, որում ժխտվում է Հայոց ցեղասպանության փաստը, տեղեկացնում է «Երկիր» թերթը: Էջը ինտերնետ է մտցրել «Պատերազմի եւ Հրեական ողջակիզման պատումների նախկին սիրողների ընկերակցությունը», որի դեմ դատը էին բացել բազմաթիվ կազմակերպություններ: ԱՄՆ-ում գործող այդ էջի «Հայկական էջեր» բաժնում, ժխտելով Ցեղասպանությունը, որպես իրականություն ներկայացվում են թուրքական կառավարության թեզերը, կասկածի ենթարկվում Վահագն Տատրյանի, Իվ Թերնոնի, Ռիչարդ Հովհաննիսյանի` Հայոց ցեղասպանության մասին ուսումնասիրությունները: Դատարանի վճռով հրահանգվել է 10 օրվա ընթացքում դադարեցնել հանցավոր էջի գործունեությունը: