Դերենիկ Դումանյան. Հայաստանում մարդու ներքին օրգանների վաճառք չկա
«Հայաստանում մարդու ներքին օրգանների վաճառք չկա և չի էլ կարող լինել»,-հունվարի 10-ին Երևանում լրագրողներին է հայտնել ՀՀ առողջապահության նախարար Դերենիկ Դումանյանը:ծ
Այս առնչությամբ նա հիշեցրել է, որ պրոֆեսոր Գեորգի Օկոևը սպառիչ պատասխան է տվել այս հարցին: «Ավելին, այս հարցը օրինապահ մարմինների ուշադրության կենտրոնում էր: Ավելացնելու ոչինչ չունեմ»,-ասել է նա:
«Չենք լռելու» քաղաքացիական նախաձեռնությանն է դիմել Աշտարակի բնակիչ Կարապետ Կարապետյանը, խնդրելով բարձրաձայնել ցավալի միջադեպը, որը տեղի է ունեցել նրա կնոջ հետ:
Խոսքն այն մասին է, որ իբր Հայաստանում գործում է մաֆիա, որը զբաղվում է մարդու օրգանների վաճառքով: Մարդկային օրգանների վաճառքի մեջ մեղադրվում էր Մարգարյանի անվան հիվանդանոցի գլխավոր բժիշկ Գեորգի Օկոևը:
