Երեք քուրդ ակտիվստուհիներ են սպանվել Փարիզի կենտրոնում: Նրանց մարմինները հայտնաբերվել են քրդերի ընկերակցության կենտրոնակայանում: Ըստ նախնական տվյալների, խոսքը պատվիրված սպանության մասին է: Բոլոր զոհերը մահացել են գլխին կատարված կրակոցից, հայտնում է ԻՏԱՐ-ՏԱՍՍ-ը:

Սպանվածների թվում է Ֆիդան Դողանը, որը զբաղեցնում էր Ֆրանսիայում Քրդստանի Ազգային կոնգրեսի ներկայացուցչի պաշտոնը:

Այս պատահարը կտրուկ արձագանք է ստացել քրդական համայնքում, որը Ֆրանսիայում հասնում է մոտ 150 հազարի: Պատահարի վայր է ժամանել ՆԳՆ ղեկավար Մանուել Վայսը: