Երևան-Հալեպ չվերթի ավիատոմսերի գումարի վերադարձման հարցով կդիմեն վարչապետին11 հունվարի 2013 - 19:33 AMT PanARMENIAN.Net - Այսօր ՀՀ սփյուռքի նախարարությունում նախարար Հրանուշ Հակոբյանի ղեկավարությամբ տեղի է ունեցել սիրիահայերի հիմնախնդիրների լուծմանն աջակցության միջգերատեսչական հանձնաժողովի 2013 թվականի առաջին նիստը: «ՀՀ կառավարությունը նշանակալի փոփոխություններ է իրականացրել իրավաօրենսդրական համակարգում, որի արդյունքում սիրիահայերին հուզող բազմաթիվ հիմնախնդիրներ ստացել են իրենց լուծումները, սակայն շարունակվում է սիրիահայերի հոսքը Հայաստան, ի հայտ են գալիս նոր խնդիրներ, որոնք անհապաղ լուծում են ենթադրում»- ասել է նախարարը: ՀՀ սփյուռքի նախարարության աշխատակազմի Մերձավոր և միջին արևելքի հայ համայնքների վարչության պետ Լուսինե Ստեփանյանը ներկայացրել է ՀՀ գերատեսչությունների կողմից իրականացված աշխատանքները: Հայաստան տեղափոխված սիրիահայերին աջակցելու նպատակով ՀՀ ՍՆ հետ համագործակցում են բոլոր գերատեսչությունները, ինչպես նաև շուրջ 20 համահայկական կազմակերպություններ, հոգևոր կառույցներ, միջազգային կազմակերպություններ: Իր գործունեությունն է շարունակում սիրիահայերի նախաձեռնությամբ և ՀՀ սփյուռքի նախարարության համակարգմամբ ստեղծված «Սիրիահայերի հիմնախնդիրները համակարգող կենտրոն» հասարակական կազմակերպությունը: ՀԿ-ի տվյալների բազայում արդեն առկա է շուրջ 1300 սիրիահայ ընտանիքների մասին տեղեկատվություն: Արդեն՝ կարիքավորներին աջակցելու ուղղությամբ տարբեր ձևաչափերով կատարվել են մեծածավալ աշխատանքներ: Հայաստանում բնակվող սիրիահայերին 100 000 ԱՄՆ դոլարի աջակցություն է ցուցաբերել Քուվեյթը: «Եկեղեցիների համաշխարհային խորհրդի հայաստանյան միջեկեղեցական կլոր սեղան» բարեգործական հիմնադրամը իրականացրել է ծրագիր, որի շրջանակներում 200 ընտանիք 4 շաբաթվա ընթացքում ստացել է 20 000 ՀՀ դրամ արժողությամբ կտրոն: Նոյեմբերին ՀՀ սփյուռքի նախարարությունում կայացած ՀՀ տարբեր գերատեսչությունների ներկայացուցիչների, աշխատանք փնտրող սիրիահայերի և պոտենցիալ գործատուների մասնակցությամբ խորհրդակցության արդյունքում բազմաթիվ սիրահայեր գտել են իրենց գործատուներին: Այնուամենայնիվ, ՀՀ սփյուռքի նախարարի խոսքով՝ շարունակում է արդիական մնալ սիրիահայերի աշխատանքի տեղավորման հարցը, որի ուղղությամբ ՀՀ աշխատանքի և սոցիալական ապահովության, ինչպես նաև էկոնոմիկայի նախարարությունները շարունակական անելիքներ ունեն: ՀՀ արտակարգ իրավիճակների նախարարության քաղաքական ծրագրերի վարչության պետ Գուրգեն Պողոսյանը տեղեկացրել է, որ Արտակարգ իրավիճակների նախարարությունը հնարավորություն ունի աշխատանքի տեղավորել շուրջ 30 հաշմանդամ սիրիահայի: Հայաստանում ներդրումներ անել ցանկացող սիրիահայերը ներկայացրել են ՀՀ գործարար ոլորտի հետ կապված իրենց խնդիրները: Սիրիահայ գործարարների հետ ՀՀ նախագահ Սերժ Սարգսյանի հանդիպումից հետո տրված հանձնարարության համաձայն՝ աշխատանքներ են տարվում սիրիահայ ոսկերիչներին աշխատանքային որևէ միասնական տարածք հատկացնելու ուղղությամբ: ՀՀ ԿԱ ՊԵԿ –ի և էկոնոմիկայի նախարարության հետ համատեղ քննարկումներ են իրականացվում սիրիահայ ոսկերիչների գործունեությանն աջակցելու համար: Երևանի մերձակայքում արտադրամասային, ավտոտեխսպասարկման, առևտրի սպասարկման համար տարածք հատկացնելու նպատակով Երևանի քաղաքապետարանը սիրիահայերին առաջարկել է երևանամերձ 3 հնարավոր տարածք: Զարգացման հայկական գործակալության և Հայաստանի փոքր և միջին ձեռնարկությունների զարգացման ազգային կենտրոնի հետ համատեղ կազմակերպվել է սկսնակ գործարարների դասընթաց: Խորհրդակցության ընթացքում ՓՄՁ ԶԱԿ ներկայացուցչի տեղեկացմամբ՝ արդեն իսկ ներկայացվել է 10 ծրագիր, որոնք արժանացել են հավանության և վարկավորման: Առաջիկայում նախատեսվում է դասընթացի երկրորդ փուլի մեկնարկը: Խորհրդակցության ժամանակ քննարկվել է վերջին ժամանակահատվածում սիրիահայերին հուզող խնդիրները: Բարձրացվել է «Արմավիա» ազգային ավիափոխադրող ընկերության Երևան-Հալեպ չվերթի ավիատոմսերի գումարի վերադարձման հարցը: ՀՀ կառավարությանն առընթեր քաղաքացիական ավիացիայի գլխավոր վարչության աշխատակազմի ղեկավար Սահակ Հակոբյանը տեղեկացրեց, որ հարցի լուծումը կապված է միայն «Արմավիա» ազգային ավիափոխադրող ընկերության կամքից: ՀՀ սփյուռքի նախարարի առաջարկով՝ կնախապատրաստվի համապատասխան գրություն և կներկայացվի ՀՀ վարչապետին: Քննարկվեց նաև ՀՀ-ում սիրիահայերի հաշվառման անհրաժեշտությունը: ՀՀ ոստիկանության անձնագրային և վիզաների վարչության պետի տեղակալ Արսեն Համբարձումյանը տեղեկացրել է, որ հաշվառումն իրականացվում է առավելագույն պարզեցված տարբերակով և որևէ դժվարություն չի առաջացնում: Ա. Համբարձումյանի խոսքով՝ 2012 թվականին 4736 սիրիահայի շնորհվել է ՀՀ քաղաքացիություն: ՀՀ առողջապահության փոխնախարար Հ. Դարբինյանի տեղեկացմամբ շուրջ 1000 սիրիահայ բուժօգնություն է ստացել ամբուլատոր պայմաններում: Նախնական բոլոր հետազոտություններն արվում են անվճար, կատարվում են բոլոր հնարավոր զեղչերը վիրահատությունների դեպքերում: Սրտի 6 վիրահատություն իրականացվել է անվճար: Նախարար Հ. Հակոբյանը բարձրացրել է նաև դեղորայքի անվճար տրամադրման անհրաժեշտությունը՝ առաջարկելով ծրագրի իրականացման հնարավոր տարբերակներ, որոնք կքննարկվեն առաջիկայում: Քննարկվել են նաև փաստաթուղթ չունեցող սիրիահայերի՝ ՀՀ տեղափոխման դեքպերը, որին ի պատասխան ՀՀ արտաքին գործերի նախարարի տեղակալ Սերգեյ Մանասարյանը տեղեկացրել է, որ նման դեպքերը բացառիկ են, իսկ անհրաժեշտության դեպքում պետք է դիմել ՀՀ արտաքին գործերի նախարարի տեղակալին: Վերջին շրջանում սիրիահայերի կողմից առաջ է քաշվել Վրաստանի սահմանային կետերով տարանցիկ ճանապարհով ՀՀ փոխադրման ընթացքում առաջացած բարդությունները լուծելու հարցը: Ս. Մանասարյանի պարզաբանմամբ նմանտիպ դեպքերը ևս եզակի են և կապված են առանձնահատուկ իրողությունների հետ: Նիստի ընթացքում ՀՀ սփյուռքի նախարարը գերատեսչությունների ներկայացուցիչների ուշադրությունը հրավիրել է սիրիահայերի՝ կացարաններով ապահովման հարցի վրա: ՀՀ ՏԿՆ Միգրացիոն պետական ծառայության պետ Գագիկ Եգանյանի տեղեկացմամբ Միգրցիոն ծառայությունը ՄԱԿ-ի հետ համատեղ վերանորոգելու է 150 քառակուսի մետր տարածքով շինություն, որում ևս տեղավորվելու են սիրիահայերը: Սփյուռքի նախարարն իրազեկել է, որ կատարվել է ուսումնասիրություն՝ պարզելու մարզերում վարձակալության ենթակա բնակարանների տվյալներն ու հնարավորությունները: Անդրադարձ եղավ նաև Հայաստանում գտնվող սիրիահայերի կրթության հետ կապված հարցերին: Ամիսներ առաջ հրատապ էր սիրիահայ ուսանողների ուսմա վարձերի վճարման խնդիրը: ՀՀ սփյուռքի նախարարությունը հարցը բարձրացրել է պատկան մարմիններում, ինչի արդյունքում ՀՀ կառավարությունը որոշում է կայացրել այդ նպատակով երիտասարադրական հիմնադրամին հատկացրել 40 միլիոն դրամ, ևս 13 միլիոն ՀՀ դրամ հատկացրել է Հայաստան Համահայկական հիմնադրամը: ՀՀ սփյուռքի նախարարը, ամփոփելով նիստը, կարևորել է սիրիահայերի՝ հայաստանյան իրավական ու օրենսդրական համակարգի վերաբերյալ տեղեկացվածությունը, ինչը կհեշտացնի նրանց կենսագործունեությունը Հայաստանում: Որոշվել է թարմացնել սիրիահայերի իրավունքների մասին թերթոնի բովանդակությունը՝ պարբերաբար տեղեկացնելով օրենսդրական փոփոխությունների մասին: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |