Այս գիշեր Հյուսիսային Իռլանդիայում անկարգությունների արդյունքում տուժել են չորս ոստիկաններ: Լոյալիստ ցուցարարները, որոնք հանդես են գալիս Միացյալ Թագավորության կազմում այս տարածաշրջանի պահպանման օգտին, ոստիկանների վրա նետել են քարեր և այրվող նյութերով շշեր:
2012-ի դեկտեմբերի սկզբից Հյուսիսային Իռլանդիայում շարունակվող հուզումների պատճառը դարձել է Բելֆաստի քաղաքային խորհրդի որոշումը ոչ տոնական օրերին Մեծ Բրիտանիայի պետական դրոշը քաղաքապետարանի վրա կախելու արգեքի մասին:
Ինչպես հաղորդում է ԻՏԱՐ-ՏԱՍՍ-ը, վերջին շաբաթներին անկարգությունների արդյունքում մոտ 70 ոստիկաններ վիրավորվել են, ձերբակալվել է ավելի քան 100 հոգի: