Ադրբեջանում դժգոհության իմիտացիա է ստեղծվում՝ քաղաքացիական հասարակության գոյության մասին տպավորություն ստեղծելու համար: Նման տեսակետ հայտնեց ադրբեջանագետ Սարգիս Ասատրյանն այսօր լրագրողների հետ հանդիպման ժամանակ՝անդրադառնալով այս օրերին Ադրբեջանում կազմակերպվող բողոքի ցույցերին, որոնք հաջորդեցին բանակում նորակոչիկի սպանությանը: Ըստ ադրբեջանագետի՝ Ադրբեջանի իշխանություններն իրականում վերահսկում են մարդկանց դժգոհությունը:
Սարգիս Ասատրյանն անդրադարձավ նաև նա Վրաստանի նոր իշխանությունների վարած քաղաքականությանը և նշեց, որ նրանք փորձում են հավասարակշռված քաղաքականություն վարել տարածաշրջանում:
Ասուլիսին ներկա մյուս բանախոսը՝ վրացագետ Ալիկ Էրոյանցը նկատեց, որ Բիձինա Իվանիշվիլին դեռևս նախընտրական քարոզարշավի ընթացքում հայտարարում էր, որ փորձելու է բարելավել հարաբերությունները Ռուսաստանի հետ :
Անդրադառնալով Բիձինա Իվանիշվիլիի` Հայաստան կատարելիք այցին, վերջինս ասաց, որ Հայաստան կատարելիք այցը նրան կօգնի ծանոթանալ հայ-վրացական հարաբերությունների ամբողջական պատկերին:
