Թևան Պողոսյանը ընտրելու է Րաֆֆի Հովհաննիսյանին և կլինի Րաֆֆու Հայաստանում
Նախագահական ընտրություններում առաջադրված ցանկացած թեկնածու պայքարում է առաջին տեղի համար: Նման կարծիքի է ԱԺ «Ժառանգություն» խմբակցության պատգամավոր Թևան Պողոսյանը: Նա չի կիսում այն տեսակետը, թե «Ժառանգություն» կուսակցության առաջնորդ, նախագահի թեկնածու Րաֆֆի Հովհաննիսյանը կլինի երկրորդը: Այսօր լրագրողների հետ հանդիպման ժամանակ նա անդրադարձավ Րաֆֆի Հովհաննիսյանի այն հայտարարությանը, թե նախագահական ընտրություններում պայքարը գնալու է Սերժի Հայաստանի և Րաֆֆու Հայաստանի միջև: Թևան Պողոսյանը նկատեց, որ Րաֆֆի Հովհաննիսյանը խոսել է ծրագրերի մասին: «Ես ընտրելու եմ Րաֆֆի Հովհաննիսյանին և կլինեմ Րաֆֆու Հայաստանում: Նա նոր մարդ չէ, անցել է իր ուղին, ամբողջ «Ժառանգության» հետագծով և նրա ծրագրով պետք է առաջնորդվել»,- ասաց նա:
