Ալժիրում ահաբեկիչների 15 պատանդներին հաջողվել է փախչել
Ալժիրում ահաբեկիչների կողմից առևանգված 15 հոգու հաջողվել է փախչել, հայտնում է «Ֆրանս պրեսը» տեղական ԶԼՄ-ների վրա հղումով: Ահաբեկիչները պատկանում են «Ալ Քայիդայի» արյունով մակագրվածները» խմբավորմանը:
Ավելի վաղ ասվում էր, որ գերությունից հաջողվել է փախչել 30 մարդու:
Նախօրեին ահաբեկիչները հարձակվել են օտարերկրացի և ալժիրցի մասնագետների վրա, որոնք աշխատում էին գազի հանքավայրում: Պատանդների թվում են ԱՄՆ, Ֆրանսիայի, Մեծ Բրիտանիայի, Նորվեգիայի, Ճապոնիայի, Ֆիլիպինների, Մալայզիայի քազաքացիներ: Հնարավոր է, որ նրանց թվում կան վիրավորներ և սպանվածներ: Գրոհայինները սպառնում են սպանել պատանդներին, եթե բանակը գրոհի շենքը: Նրանց պահանջների մասին հակասական տեղեկություններ են ստացվում:
