Բահրեյնում կարևորում են Հայաստանի հետ տնտեսական համագործակցության ակտիվացումը 2 փետրվարի 2013 - 15:39 AMT PanARMENIAN.Net - Այսօր ՀՀ ԱԺ նախագահ Հովիկ Աբրահամյանն ընդունեց Բահրեյնի Թագավորության խորհդարանի Բահրեյն-Հայաստան բարեկամության խմբի պատվիրակությանը: Ողջունելով հյուրերին` ՀՀ ԱԺ նախագահը համոզմունք հայտնեց, որ նրանց այցը լավ հնարավորություն է երկու երկրների միջև հարաբերությունների զարգացման ուղիները քննարկելու և օրակարգային երկկողմ հարցերին անդրադառնալու համար: Կարևորելով Արաբական երկրների հետ հարաբերությունների զարգացումը` Հովիկ Աբրահամյանը նշեց, որ հայ-բահրեյնյան համագործակցության համար կա զգալի ներուժ: Խորհրդարանի ղեկավարը անհրաժեշտ համարեց միջխորհրդարանական համագործակցության զարգացումը և գոհունակությամբ փաստեց, որ երկու խորհրդարաններում ձևավորվել են բարեկամության խմբեր: Հովիկ Աբրահամյանը կարևոր համարեց ակտիվացնել երկուստեք ջանքերը տնտեսական փոխշահավետ համագործակցություն ծավալելու ուղղությամբ: Նրա համոզմամբ լավ նախադրյալներ կան նաև կրթության, մշակույթի և զբոսաշրջության ոլորտներում կապերի զարգացման համար, ինչը դրական ազդեցություն կունենա երկկողմ հարաբերությունների ընդլայնման և ամրապնդման գործում: Շնորհակալություն հայտնելով ջերմ ընդունելության համար` Բահրեյնի խորհրդարանական պատվիրակության ղեկավար Հասան Իյադ Բու Խամասը նշեց, որ Բահրեյնը բարձր է գնահատում Հայաստանի հետ հարաբերությունների զարգացումը և համոզմունք հայտնեց, որ իրենց այցը կնպաստի փոխգործակցության խորացմանը: Երկկողմ հարաբերությունների ամրապնդման գործում նա կարևորեց միջխորհրդարանական կապերի զարգացումը, երկկողմ շփումները, փոխայցերը: Հասան Իյադ Բու Խամասը նույնպես անհրաժեշտ համարեց տնտեսական համագործակցության ակտիվացումը: Պատվիրակության ղեկավարը ԱԺ նախագահ Հովիկ Աբրահամյանին փոխանցեց Բահրեյնի Թագավորության Ներկայացուցիչների պալատի նախագահի ջերմ ողջույնները և Բահրեյն պաշտոնական այցի հրավերը: Հանդիպման ընթացքում կողմերը քննարկեցին տարածաշրջանային խնդիրներ` կարևորելով խաղաղությունը և կայունությունը տարածաշրջանում, ինչպես նաև երկկողմ հետաքրքրություն ներկայացնող այլ հարցեր: Այս ամսին հայտնում են ՀՀ ԱԺ հասարակայնության հետ կապերի և լրատվության վարչությունից: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |