Էջմիածնի համար մեկ մարզադպրոցի փակ դահլիճում ավարտվել է նետաձգության Հայաստանի ձմեռային առաջնությունը: Տղամարդկանց պայքարում հաղթողներ են դարձել Վասիլ Շահնազարյանը, Արշակ Պետրոսյանը և Վիգեն Սմբատյանը: Կանանցից պատվոհարթակին կանգնել են Գոհար Շահնազարյանը, Ռոզա Գրիգորյանը և Գոհար Հակոբյանը:
PanARMENIAN.Net-ի թղթակցի հետ զրույցում Հայաստանի հավաքականի գլխավոր մարզիչ Բորիս Վասիլյանը նշել է, որ առաջնությանը մասնակցել են 58 մարզիկներ:
Առաջնությունից հետո Հայաստանի ընտրանին 3 մարզիկներով հավաք է անցկացնելու Էջմիածնում: Գոհար Շահնազարյանը, Նունե Վասիլյանը և Արշակ Պետրոսյանը պատրաստվելու են փետրվարի 26-ից մինչև մարտի 2-ը Լեհաստանում կայանալիք Եվրոպայի ձմեռային առաջնությանը: