«Լեռնային Ղարաբաղի Հանրապետությունը կայացել է: Մեզ հաջողվեց պահպանել մեր անկախությունը շատ դժվար իրավիճակներում` շրջափակման, Ադրբեջանի կողմից սանձազերծած պատերազամի իրավիճակներում: Սակայն մենք հաղթեցինք, որովհետեւ գիտեինք, որ պաշտպանում ենք հայրենիքը»: Այս մասին լրագրողներին հայտարարել էԼեռնային Ղարաբաղի նախագահ Արկադի Ղուկասյանը: Ընդսմին Լեռնային Ղարաբաղի պետության ղեկավարը հույս է հայտնել, որ ԼՂՀ կհաջողվի հաստատել հարեւանների հետ բարիդրացիական հարաբերություններ: «Մենք կառուցում ենք ժողովրդավարական պետություն, գնում ենք առաջ: Հավանաբար, կարելի էր էլ ավելին անել, սակայն, ամեն դեպքում, Լեռնային Ղարաբաղը շատ ամուր է կանգնած ոտքերի վրա, եւ, կարծում եմ, որ ապագա ունի»,- նշել է Ղուկասյանը: Ադրբեջանում խորհրդարանական ընտրություններին մասնակցելու մասին Լեռնային Ղարաբաղի բնակիչներին ուղղված Ադրբեջանական կողմի կոչը մեկնաբանելու խնդրանքին ԼՂՀ նախագահը պատասխանել է կատակելով. «Ես ուրախ եմ, որ Ադրբեջանում հումորի զգացումը զարգանում է», տեղեկացնում է «Ռեգնում» լրատվական գործակալությունը: