Նախօրեին Հայաստան ժամանած Սանկտ Պետերբուրգի պատվիրակությունը` նահանգապետ Վալենտինա Մատվիենկոյի գլխավորությամբ, այսօր այցելել է Ծիծեռնակաբերդ` Հայոց ցեղասպանության զոհերի հուշահամալիր: Վ.Մատվիենկոն ծաղկեպսակ է դրել անմար կրակին, ինչպես նաեւ գրություն է թողել թանգարանի մատյանում: «Ցնցված եմ մարդկության դեմ հրեշավոր հանցագործությամբ` հայ ժողովրդի Ցեղասպանությամբ: Ներում չկա նրանց, ովքեր կատարել են այդ հանցագործությունը: Ողջ աշխարհը պետք է դատապարտի այդ սարսափելի չարագործությունը»,- գրել է Վ.Մատվիենկոն: Նա նաեւ եղեւնի է տնկել Հիշատակի ծառուղում: