Միջազգային դիտորդները բարձր են գնահատում իրենց համար ստեղծված պայմանները

Միջազգային դիտորդները բարձր են գնահատում իրենց համար ստեղծված պայմանները

PanARMENIAN.Net - Այսօր ԱԳ նախարար Էդվարդ Նալբանդյանն ընդունել է Ընտրական համակարգերի միջազգային փորձագիտական կենտրոնի (ICES) դիտորդական առաքելության պատվիրակությանը՝ կազմակերպության նախագահ Ալեքսանդր Ցինկերի գլխավորությամբ։ Այս մասին PanARMENIAN.Net ը տեղեկանում է ԱԳՆ մամուլի ծառայությունից:

Հանդիպմանը քննարկվել են առաջիկա նախագահական ընտրություններին դիտորդական առաքելությունների իրականացմանն առնչվող հարցեր։ Այս ենթատեքստում նախարար Նալբանդյանը գոհունակություն է հայտնել, որ ընտրություններին մասնակցում են տարբեր երկրներ և միջազգային կազմակերպություններ ներկայացնող մի քանի հարյուր դիտորդներ։

Պատվիրակության անդամները բարձր են գնահատել դիտորդական առաքելությունների համար ստեղծված պայմանները և հավելել, որ նոր ընտրական օրենսգիրքը թույլ է տալիս ընտրություններն անցկացնել միջազգային չափանիշներին համապատասխան։

Էդվարդ Նալբանդյանը, պատասխանելով առաքելության անդամների հարցերին, անդրադարձել է նաև տարածաշրջանային և միջազգային հարցերի վերաբերյալ Հայաստանի մոտեցումներին։

 Ուշագրավ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
Նա նշել է, որ հայատյացությունն ու թշնամանքի քարոզն Ադրբեջանում վերջին պատերազմից հետո դարձել են ծայրահեղական՝ ֆաշիզմի աստիճանի
«Մենք փորձում ենք ազգային դիմադրություն ձևավորել, որի կարգախոսն է՝ Ոչ Հայաստանի թրքացմանը, ոչ Արցախի հայաթափմանը»,-ասել է նա
Նա հավելել է, որ ՀՀ-ն իրավունք է վերապահում խնդիրը լուծել ուժի կիրառմամբ
---