Արմեն Աշոտյան. Քարոզարշավն ապացուցեց, որ այս ընտրությունները ոչ ձևական են, ոչ էլ՝ ոչ մրցակցային

Արմեն Աշոտյան. Քարոզարշավն ապացուցեց, որ այս ընտրությունները ոչ ձևական են, ոչ էլ՝ ոչ մրցակցային

PanARMENIAN.Net - Հունվարի 21-ին Ազատության հրապարակում ՀՀԿ-ն հավաք է հրավիրել, ինչը, թեև պաշտոնապես դեռ չի հայտարարվում, սակայն տոնական է լինելու: Կուսակցությունը պաշտոնապես չի հայտարարում, որ տոնելու է ՀՀ նախագահի ընտրություններում իր թեկնածուի հաղթանակը: Կրության և գիտության նախարար Արմեն Աշոտյանի խոսքով՝ կոռեկտ չի լինի այդ մասին հայտարարել մինչև քվեարկության նախնական տվյալների ամփոփումը, իսկ հաղթանակ իրենք ակնկալում են:

Այսօր լրագրողների հետ ճեպազրույցում Արմեն Աշոտյանն ասաց, որ ընտրությունների քարոզարշավը հաջողված է համարում: «Հիմնական թեկնածուներն իրականացրեցին շատ հետաքրքիր, քաղաքական տեխնոլոգիաների օգտագործմամբ կազմակերպված քարոզարշավ»,- ասաց Արմեն Աշոտյանը: Ըստ նրա՝ ընտրապայքարի մեջ մտած ուժերը հերթական անգամ ապացուցեցին ընտրապայքարից դուրս մնացած որոշ քաղաքական շրջանակներին, որ այս ընտրությունները ոչ ձևական են, ոչ էլ՝ ոչ մրցակցային: «Հնարավոր եղան ծրագրային բանավեճեր, բոլորն ապահովված էին հավասար պայմաններով՝ իրենց ծրագրերը ներկայացնելու համար: Քարոզարշավը հասարակության հետ երկխոսելու, մեր ծրագրերը ներկայացնելու համար: Ես այդ երկխոսությունը համարում եմ ստացված»,- եզրափակեց ԿԳ նախարարը:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---