Հայաստանի խորհրդարանի խոսնակ Արթուր Բաղդասարյանն այսօր հանդիպել է Հայաստանում Սիրիայի գործերի ժամանակավոր հավատարմատար Մուխլիս Ֆարաունին, տեղեկացնում է ՀՀ ԱԺ մամուլի ծառայությունը: Հանդիպման ընթացքում կողմերը քննարկել են հայ-սիրիական համագործակցության խնդիրները: Ա.Բաղդասարյանը շնորհակալություն է հայտնել Սիրիայի կառավարությանը` հայերի նկատմամբ դրսեւորած լավ վերաբերմունքի համար: Զրուցակիցները քննարկել են նաեւ Երեւանում բացվելիք Արաբական մշակույթի կենտրոնին Սիրիայի մասնակցության հարցը: Մ. Ֆարաունի խնդրանքով` Արթուր Բաղդասարյանը ներկայացրել է ՀՀ-ում կատարվող սահմանադրական բարեփոխումների ընթացքը: