Սիրիայի նախագահ Բաշար Ասադը վստահ է, որ կառավարությանը կհաջողվի հաղթել զինյալ ընդդիմադիրներին, գրում է «Ինտերֆաքսը» լիբանանյան ԶԼՄ-ների վրա հղումով:
«Մենք վստահ ենք, որ հաղթելու ենք, դա է հուշում քաղաքական և ռազմական իրավիճակի զարգացումը երկրում»,-ասել է Ասադը լիբանանցի քաղաքական գործիչների հետ հանդիպմանը:
«Դա չի նշանակում, որ ամեն ինչ որոշված է: Մենք դեռ շատ անելիք ունենք նաև քաղաքական առումով և մարտի դաշտում ծայրահեղականների դեմ պայքարում: Սիրիացիներն ի զորու են հաղթահարելու դավադրությունը»,-ասել է Ասադը: