Վրաստանի նախագահ Միխայիլ Սահակաշվիլին քննադատել է Վրաստանի նախարարների կաբինետի գործողություները Ռուսաստանի հետ կապեր հաստատելու ուղղությամբ՝ հայտարարելով, որ Նոր կառավարության արտաքին քաղաքականությունը Կրեմլին Վրաստանը կառավարելու լծակներ է տալիս:
«Իվանիշվիլիի ղեկավարած կառավարությունը մի քանի լծակ է տվել Ռուսաստանին»,-ասել է Սահակաշվիլին «Շեշտադրումներ» ծրագրում Առաջին հեռուստաալիքի եթերում:
Ըստ նրա, խոսքը գնում է մի քանի լծակների մասին: «Առաջինը էներգետիկ լծակն է, երբ դադարեցվում է ՀԷԿ կառուցումը և նոր կառավարությունը էներգետիկան դնում է ՌԴ առաքումներից կախվածության մեջ»,-ասել է Սահակաշվիլին:
Երկրորդն, ըստ նրա, առևտրայինն է, քանի որ Ռուսաստանը որպես գերակա շուկան ընտրելը վտանգավոր է Վրաստանի համար, այն դեպքում, երբ Եվրոպայի ու ԱՄՆ շուկաները բաց են Վրաստանի համար»:
Երրորդ լծակն, ըստ Սահակաշվիլիի, աբխազական երակթուղու վերագործարկումն է: «Խոսակցությունները նոր են սկսվել, իսկ վերականգնման աշխատանքներն արդեն տարվում են»,-աել է նա:
Ըստ Սահակաշվիլու, չորրորդ լծակ լարող է հանդիսանալ Ջավախքը: «Եթե նախկինում պատանդները Աբխազիան ու Հարավային Օսեթիան էին, ապա այժմ Ջավախքն է»,-ասել է նա:
«Եթե Ռուսաստանին ես տալիս լծակներ էլեկտրաէներգիան անջատելու, տնտեսությունը քանդելու, տարածաշրջանը պայթեցնելու ու դեպի Եվրոպա ճանապարհը փակելու համար, ապա Վրաստանը վերածվում է գավառային բռնատիրության: Եթե Վրաստանում վերանա ժողովրդավարությունը, բազմակարծությունը, ազատ ԶԼՄ-ները, ազատ դատարանները, Վրաստանը չի կարողանա ձգտել դեպի Եվրոպա և նրան միայն մեկ ճանապարհ կմնա՝ դեպի Ռուսաստան»,-ասել է Սահակաշվիլին: