Փետրվարի 27-ին Նիդերլանդների Հայ Դատի հանձնախմբի նախաձեռնությամբ տեղի ունեցավ ցույց Նիդերլանդներում Ադրբեջանի դեսպանության շենքի դիմաց:
Ցույցի մասնակիցները «Սումգայիթ, Բաքու, Մարաղա, Կիրովաբադ. դադարեցրեք ադրբեջանական ագրեսիան», «Ինքնորոշում Լեռնային Ղարաբաղին», «Մենք չենք մոռանա Սումգայիթի ջարդերը» կարգախոսներով պաստառներով իրենց բողոքն արտահայտեցին ընդդեմ ադրբեջանական ռազմատենչության, հայտնում է ԱԳՆ մամլո ծառայությունը:
Փետրվարի 26-ին Հայ Դատի հանձնախմբի ներկայացուցիչները հանդիպեցին Նիդերլանդների խորհրդարանի Արտաքին հարաբերությունների մշտական հանձնաժողովի անդամների հետ, փոխանցեցին Հայ Դատի հանձնախմբի պահանջագիրը Լեռնային Ղարաբաղի հիմնահարցի վերաբերյալ` տեղեկատվություն տրամադրելով Սումգայիթյան ջարդերի ու Ադրբեջանի ռազմատենչ քաղաքականության մասին:
