Փարիզում անցկացվում են միջոցառումներ` Սումգայիթյան ջարդերին և Արցախյան շարժմանը նվիրված28 փետրվարի 2013 - 20:15 AMT PanARMENIAN.Net - Փետրվարի 24-ից Փարիզում անցկացվում են միջոցառումներ` նվիրված Սումգայիթյան ջարդերին և Արցախյան շարժման 25-ամյակին: Ֆրանսիայում Լեռնային Ղարաբաղի Հանրապետության մշտական ներկայացուցչության հաղորդագրության համաձայն՝ Սումգայիթի զոհերի հիշատակին պատարագ է մատուցվել Փարիզի Սուրբ Հովհաննես Մկրտիչ հայկական առաքելական եկեղեցում: Փարիզի Երևանի պարտեզի հարևանությամբ գտնվող Կոմիտասի հուշարձանի մոտ ոգեկոչման տուրք է մատուցվել Սումգայիթյան նահատակների հիշատակին: Այնուհետև ԼՂՀ Մշտական Ներկայացուցիչ Հովհաննես Գևորգյանը, Ֆրանսիայում ՀՀ դեսպան Վիգեն Չիտեչյանը և այլ պաշտոնատար անձիք ծաղկեպսակներ են դրելԿոմիտաս վարդապետի արձանի առջև։ Փետրվարի 25-ին ԼՂՀ Մշտական Ներկայացուցիչ Հովհաննես Գևորգյանը «Այբ» ռադիոկայանի ուղիղ եթերում պատասխանել է Սումգայիթյան ջարդերի և առաջիկա շաբաթների ընթացքում Ֆրանսիայի տարբեր քաղաքներում կազմակերպվելիք, Արցախյան շարժման և Սումգայիթյան ջարդերի 25-ամյակին նվիրված միջոցառումներին վերաբերվող հարցերին: Փետրվարի 26-ին Ֆրանսիայի Ազգային ժողովում Ֆրանսիայի հայ դատի գրասենյակը կազմակերպել է «Սումգայիթյան ջարդերից 25 տարի անց, ներկա իրավիճակը և ապագայի հեռանկարները Լեռնային Ղարաբաղի ժողովրդի համար» խորագրով համաժողով, որի սկզբում ցուցադրվել է ԼՂՀ Մշտական Ներկայացուցչության պատրաստած Սումգայիթի ջարդերի մասին ֆիլմը: Այնուհետև ելույթներով հանդես են եկել Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը, Ֆրանսիայում ԼՂՀ մշտական ներկայացուցիչ Հովհաննես Գևորգյանը, Ֆրանսիայի ԱԺ-ի Ֆրանսիա-Հայաստան բարեկամական խմբի նախագահ Ռենե Ռուքեն: Միջոցառումը եզրափակել է Ֆրանսիայում ՀՀ դեսպան Վիգեն Չիտեչյանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |