Ուզբեկստանում ապրող հայ երիտասարդներին հետաքրքրում է հայրենիքում բուհ ընդուվելու հնարավորությունը 1 մարտի 2013 - 20:03 AMT PanARMENIAN.Net - Այսօր հեռակոնֆերանս տեղի է ունեցել ՀՀ սփյուռքի նախարարության և Տաշքենդի հայկական համայնքի մասնակցությամբ: Այս մասին PanARMENIAN.Net ին տեղեկացնում են Սփյուռքի նախարարության մամուլի և հասարակայնության հետ կապերի վարչությունից: Նախարար Հ. Հակոբյանը հեռակոնֆերանսի մասնակիցներին, համայնքի բոլոր հայկական կազմակերպություններին և կառույցներին հայ ինքնության պահպանման և համայնքային նշանակության հարցերի արդյունավետ լուծման համար համախմբվելու կոչ է արել: Կարևորելով Ուզբեկստանի հայկական համայնքում հայերենի իմացության և լեզվի պահպանության խնդիրները՝ Տաշքենդի հայկական կիրակնօրյա դպրոցի ուսուցիչների հետ քննարկվել են համայնքում հայերենի դասավանդման կատարելագործմանն ուղղված հետագա աջակցության ծրագրեր: Պայմանավորվածություն է ձեռք բերվել ՀՀ սփյուռքի նախարարության կողմից Տաշքենդի կիրակնօրյա հայկական դպրոցին առաքել մայրենիի դասավանդման ուսումնական և ուսումնաօժանդակ նյութեր, ուսումնական ձեռնարկներ, այբբենարաններ: Համայնքի ներկայացուցիչների խնդրանքով նախարար Հ. Հակոբյանը ներկայացրել է սփյուռքահայ երիտասարների համար հայրենիքում բարձրագույն կրթություն ստանալու պայմանները՝ նշելով հայագիտական մասնագիտությունների գծով անվճար կրթություն ստանալու հնարավորությունը: Հայոց լեզուն, պատմությունն ու մշակույթը սփյուռքահայ երիտասարդներին ավելի ճանաչելի դարձնելու և համայնքի հետ համագործակցությունը առավել խթանելու նպատակով ՀՀ սփյուռքի նախարարության աշխատակազմի համահայկական ծրագրերի վարչության պետ Ատոմ Մխիթարյանը ներկայացրել է նախարարության կողմից իրականացվող համահայկական երիտասարդական ծրագրերը և հորդորել է համայնքի երիտասարդներին մասնակցել այդ ծրագրերին: Տաշքենդի հայկական ազգային մշակութային կենտրոնի նախագահ Կարինե Մարտիրոսյանը ներկայացրել է համայնքի համար առաջնային լուծում պահանջող հիմնախնդիրները և գոյություն ունեցող դժվարությունները: Տեսակոնֆերանսի ավարտին քննարկվել են ՀՀ սփյուռքի նախարարության հետ համագործակցության և համատեղ ծրագրերի իրականացման հետ կապված հետագա անելիքները: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |