  Րաֆֆի Հովհաննիսյանը նախագահին, վարչապետին և Երևանի քաղաքապետին կոչ արեց ինքնաբացարկ հայտնել 2 մարտի 2013 - 17:52 AMT PanARMENIAN.Net - Ազատության հրապարակում Րաֆֆի Հովհաննիսյանի հանրահավաքն այս անգամ մեկնարկեց նրա ելույթով, որից հետո «Ժառանգության» առաջնորդը հանրահավաքի մասնակիցների հետ երգեց ՀՀ հիմնը: «Ես ունեմ միայն մի ծրագիր, մի ռազմավարություն, մի հստակ անելիք: Դա այն է, որ ՀՀ քաղաքացիների և հայ ժողովրդի հետ միասին պաշտպանելու ենք ժողովրդի իրավունքը: Մեր պահանջն է, և իրենք կատարելու են այդ պահանջը»,- հայտարարեց Րաֆֆի Հովհաննիսյանը: Նա Սերժ Սարգսյանին հրավիրեց Ազատության հրապարակ` ճանաչելու ՀՀ քաղաքացիների իշխանությունը, ինչը պահանջում են Հայաստանի, Արցախի և Սփյուռքի ամբողջ ժողովուրդը: «Նա պետք է ինքնաբացարկ հայտնի: Սա խաղ չէ: Դուք լո՞ւրջ եք, թե՞ խաղի մեջ եք, որոշեք: Եթե ինքը չի ուզում խորացնել այս համազգային տագնապը, եթե հարգում է սեփական ընտանիքին և սիրում է հայրենիքը, ինչին ես կասկած չունեմ, ազգային ինքնագիտակցություն ունի, պիտի գա և թույլ չտա, որ ժողովուրդը երկար սպասի: Հանկարծ չանի, որ այս շենքում երդում տա սուրբ գրքի վրա: Եթե դա արեց, կբերի հերթական ողբերգության, ոչ արյան ողբերգության, երբեք: Ժողովրդին խեղդելու, դատարկ հրապարակի վրա իշխելու ողբերգության կբերի»,- հայտարարեց Րաֆֆի Հովհաննիսյանը: Րաֆֆի Հովհաննիսյանը Ազատության հրապարակ հրավիրեց նաև Երևանի քաղաքապետ Տարոն Մարգարյանին և Հայաստանի վարչապետ Տիգրան Սարգսյանին, դարձյալ հրաժարական տալու: Դիմելով վարչապետին, «Ժառանգության» առաջնորդը հայտարարեց. «Գործող վարչապետ, Ձեզ ևս հրավիրում եմ Ազատության հրապարակ՝ հաշվետվություն տալու ժողովրդին: Եկեք այստեղ և պատասխան տվեք մեր ժողովրդին աղքատության, անգործության, անարդարության, արտագաղթի, մենաշնորհների, փոքր և միջին բիզնեսների, բնության խեղդման համար: Եկեք հաշվետվություն տվեք նաև մեր ուժային և դատական իշխանությունների հակասահմանադրական գործողությունների համար: Մինչև մենք կազմակերպենք մեր ապագա կառավարությունը»: Րաֆֆի Հովհաննիսյանը հանրահավաքի եկածների հետ որոշեց, որ նախագահին, վարչապետին և քաղաքապետին իրենք Ազատության հրապարակում կսպասեն մարտի 5-ին: Անդրադառնալով այն քննարկումներին, թե ինքը թիմ չունի, Րաֆֆի Հովհաննիսյանը հայտարարեց. «Իմ թիմի մասին խոսել են հեգնողները, ես ուրիշ թիմ չունեմ, քան Հայաստանի ժողովուրդը, կեցցե մեր ժողովուրդը»:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Ալիևը Բորգին ասել է, թե ԵԱՀԿ Մինսկի խումբը պետք է չեղարկել  «Ադրբեջանը բարձրացրել է այդ հարևցը և չկա որևէ պատճառ, որպեսզի հայկական կողմն իր համաձայնությունը չտա»,–ասել է նաԱրաքս գետի վրա 2-րդ կամուրջ կառուցելու հարցով Իրանի հետ աշխատանքային խումբ կստեղծվի Գործող կամուրջը կառուցվել է 1995–ինՍիմոնյանն ու Ադրբեջանի Մեջլիսի խոսնակը կրկին կհանդիպեն Հանդիպումը տեղի կունենան Խորհրդարանների նախագահների համաշխարհային համաժողովի շրջանակումԲաքվի դատարանը 5 ամսով երկարացրել է Արկադի Ղուկասյանի կալանքը Դատարանը հավանություն է տվել դատախազի միջնորդությանը |
