ՆԱՍԱ-ի Ռեակտիվ շարժման լաբորատորիայի մասնագետները խոստանում են մեկ շաբաթից նորոգել Curiosity մարսագնացը, հայտնում է ԻՏԱՐ-ՏԱՍՍ-ը:
«Այժմ սարքը գործում է այսպես կոչված անվտանգ ռեժիմով: Ծրագրավորողները քայլ առ քայլ վերականգնում են գլխամասային համակարգիչը՝ դրա համար սարքը վերբեռնվել է, իսկ այժմ ռեզերվային պատճեններից տեղափոխվում են բոլոր մշակված տվյալները»,-ասել են լաբորատորիայում:
Ավելի վաղ լաբորատորիայի աշխատակիցները հայտարարել էին, որ պարզել են, որ սարքը լրիվ ծավալով չի փոխանցում Մարսում գիտական փորձերի տվյալները:
Մարսագնացը Կարմիր մոլորակ է հասել 2012թ. օգոստոսի 6-ին, այն Մարսում կմնա 687 երկրային օր: Նախագիծը ՆԱՍԱ-ի համար արժեցավ 2,5 մլրդ դոլար: