Ստանիսլավ Տարասով. Հանրահավաքներն Ադրբեջանում իրադարձությունների սպասված զարգացում են11 մարտի 2013 - 17:03 AMT PanARMENIAN.Net - Հանրահավաքներն Ադրբեջանում իրադարձությունների սպասված զարգացում են, ակնկալվում էր, որ «արաբական գարունը» կհասնի Անդրկովկաս: Այդ մասին PanARMENIAN.Net ին է հայտարարել պատմաբան, քաղաքապետ, Մերձավոր Արևելքի ու Կովկասի երկրների խնդիրնեի գծով փորձագետ Ստանիսլավ Տարասովը: Ըստ նրա, Հարավային Կովկասի մյուս երկրներն, ի տարբերություն Հայաստանի, կարծում էին, որ եթե նրանք հեռանան Ռուսաստանից ու շրջվեն դեպի Արևմուտք, ապա ամեն ինչ լավ կլինի: Սակայն, նրանք օֆսայդում հայտնվեցին, հայտնվեցին հեռավոր արևելքում, բացի այդ ինտեգրվեցին այնպիսի ապակայունացնող գործընթացներին, որոնք հսկայական տարածաշրջան են ընդգրկում Աֆրիկայից մինչև Կասպից ծով: «Ինչ վերաբերում է բողոքի ցույցերին Ադրբեջանում, ապա դրանք որոշակի յուրահատկություններ ունեն ու դրդապատճառներ: Արևմուտքի հիմնարար հենքը ժողովրդավարության պայքարն է բռնատիրության դեմ: Հեռացավ Քադդաֆին, Մուբարաքը, Ասադին ստիպում են ժողովրդավարացման գնալ: Սակայն, պարզվում է, որ ժողովրդավար Սահակաշվիլին նույնպես նահանջում էր դեպի ավտոկրատիա և, անկասկած, այդ գործընթացները ի հայտ կգան նաև Ադրբեջանում»,-ասել է Տարասովը: Ռուս քաղաքագետը նաև նշել է, որ ժողովրդավարության այն չափանիշներին, որոնք ներկայացնում է Արևմուտքը, Ադրբեջանը չի համապատասխանում: «Նկատեք՝ Ռուսաստանը հետխորհրդային տարածքում հանդես չի գալիս ժողովրդավարական առաքելությամբ: Նա չի սատարում ոչ իշխանություններին, ոչ ընդդիմությանը, ի հակակշիռ Արևմուտքի, որն աջակցում է և մեկն, և մյուսին՝ մանիպուլայցիայի ենթարկելով երկուսին: Ինչ վերաբերում է վերջին հանրահավաքներին Ադրբեջանում, կա ևս մեկ գործոն՝ երբ Բաքուն հանդես է գալիս Հայաստանի դեմ պատերազմ սկսելու սպառնալիքներով, պարզվում է, որ բանակում, որը կոչված է պաշտպանելու նրա շահերն, ամեն ինչ չէ, որ կարգին է: Հանրահավաքները խարխլում են ռեժիմի հիմքերը նախագահական ընտրություններին ընդառաջ: Եվ այստեղ գլխավոր պահն առաջնորդի ընտրությունն է: Եթե նրանք հույսները դնեն Արևմուտքի վրա, կարժանանան արաբական առաջնորդների ճակատագրին»,-ասել է Տարասովը: Նա գտնում է, որ Ադրբեջանում միամտաբար կարծում են, թե պատրաստի տեսքով ստացել են նախկին խորհրդային հանրապետությունը և կարող են կառավարել այնպես, ինչպես ուզում են, սակայն հայտնվեցին միանգամայն այլ իրավիճակում: «Գլոբալիզացիան խթանում է նաև ազգային ինքնագիտակցության աճը: Թուրքիան դա արդեն հասկացել է՝ այնտեղ միայն 40 տոկոսն է իրեն ազգությամբ թուրք համարում 80 մլն բնակչության դեպքում: Ադրբեջանը բազմազգ երկիր է, կան ազգություններ, որոնք ադրբեջանականցվել են խորհրդային ձևով: Այնպես որ, այդ բոլոր խնդիրները՝ սոցիալ-տնտեսական, ազգային և այլն հանգեցրին այս իրավիճակին, որից ելքը միայն ժողովրդավարացումն է: Առանց ժողովրդավարացման ու նոր ազգային քաղաքականության, Ադրբեջանը կկորցնի իր տարածքները, քանի որ Ղարաբաղի հայերին ամենևին պետք չէ միանալ ավտորիտար պետությանն ու դրանով իսկ խրախուսել նրան»,-ասել է Տարասովը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |