ԵՄ Twinning ծրագիրը բարելավել է ՀՀ հակամենաշնորհային մարմնի ինստիտուցիոնալ հնարավորությունները13 մարտի 2013 - 13:52 AMT PanARMENIAN.Net - Մարտի 13-ին Երևանում ամփոփել են Հայաստանում իրականացվող մրցակցային դաշտի բարելավմանն ու ՏՄՊՊՀ աշխատանքի արդյունավետության բարձրացմանն ուղղված ԵՄ Թվինինգ ծրագրի արդյունքները: Ինչպես ասել է ՏՄՊՊՀ նախագահ Արտակ Շաբոյանը, ԵՄ տեխնիկական աջակցության ծրագիրը անց է կացվել երկու հիմնական ուղղություններով՝ օրենսդրության բարեփոխում ու ՏՄՊՊՀ ինստիտուցիոնալ հնարավորությունների բարձրացում: Ծրագրի իրականացման արդյունքում նվաճումներ են արձանագրվել պետկառույցի աշխատանքում՝ անբարեխիղճ տնտեսվարողների որոշումների վերաբերյալ: «Եթե նախկինում տարեկան մենք 20-30 որոշում էինք կայացնում, ապա 2012թ. այդ թիվը հասել է 214-ի»,-նշել է նա: Շաբոյանը հավելել է, որ ավելացել է նաև տուգանքի չափը՝ մինչև 300 մլն դրամ նախկին 9-10 մլն դրամի փոխարեն, ավելին, այժմ չկա ոչ մի որոշում, որը դատարանն անվավեր է ճանաչել: ԵՄ Թվինինգ տեխնիկական աջակցության ծրագրի շրջանակներում տեղի մասնագետները վերապատրաստում են անցել արտերկրում, իսկ օտարերկրյա փորձագետները մասնակցել են ՏՄՊՊՀ դիտարկումներին ու վարչական վարույթներին, կազմակերպվել են բազմաթիվ սեմինարներ, այդ թվում նաև մարզերում: Իր հերթին Հայաստանում ԵՄ պատվիրակության ղեկավար Տրայան Հրիստեան ասել է, որ բարեխիղճ մրցակցությունը խթանում է բիզնեսի աշխատանքը, թույլ է տալիս նրան աճել, նոր աշխատատեղեր սկսել, ներդրումներ ներգրավել: Մյուս կողմից, ըստ նրա, մրցակցությունը դրական է անդնադառնում սպառողների վրա, որոնք կարող են ընտրություն կատարել ու որակյալ ապրանք գնել ավելի ցածր գնով: Հրիստեան նաև ուշադրությունը հրավիրել է այն հանգամանքի վրա, որ մրցակցությունը կարևոր նախապայման է Եվրոպայի հետ ասոցացման ճանապարհին, և Հայաստանը պետք է ներդաշնակեցնի տեղական օրենսդրությունը ԵՄ հետ: Թվինինգ ծրագիրը մեկնարկել է 2009 թվականին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |