Արմեն Աշոտյանը` Վ-ի և Ֆ-ի մասին. «Այբբենարանի» հեղինակի պատասխանի հետ մենք համաձայն չենք20 մարտի 2013 - 19:24 AMT PanARMENIAN.Net - ՀՀ ԿԳ նախարար Արմեն Աշոտյանն այսօր իր Ֆեյսբուքյան էջում պատասխանել է նույն սոցցանցում տարածված լուսանկարի շուրջ օգտատերերի մեկնաբանություններին: «Ձեզ եմ ներկայացնում «Այբբենարանի» հեղինակ Լիլիթ Տեր-Գրիգորյանի ներկայացրած պատասխանը, որի հետ, ասեմ, որ մենք համաձայն չենք», - գրել է նախարան ու կցել հետևյալ բովանդակությամբ նամակը. «Գրաճանաչության ուսուցումն իր մեջ ընդգրկում է բազմաբնույթ ու բազմակողմանի գործընթացներ: Այդ բոլոր գործընթացների լիարժեք իրականացումը միշտ չէ, որ հնարավոր է ապահովել, ինչը պայմանավորված է բազմաթիվ գործոններով: Մեթոդիկայում երկշարք և եռաշարք բաղաձայնների ուսուցումն ու ամրապնդումը հետևողանորեն կատարվում է գրաճանաչության ընթացքում, սակայն արտասանության և գրության տարբերություն ունեցող բառերին երբեք անդրադարձ չի կատարվում: Միայն վերջին հնչյուն-տառերի (ֆ Ֆ) ուսուցման ժամանակ հեղինակները փորձ են կատարել խաղային մեթոդով երեխաներին ծանոթացնել այն երևույթին, երբ հնչյունը կարող է մի կերպ հնչել, բայց այլ տառով գրվել: Դա կատարվել վ-ֆ-ի կրկնության շրջանակում: Սակայն հեղինակները ևս գտնում են, որ դա միանշանակ պետք է կատարվի ուսուցչի կողմից, նրա բացատրությունից և վերլուծությունից հետո միայն, նույնիսկ, եթե դա հանձնարարվում է որպես տնային առաջադրանք (տնայինը միշտ պետք է բացատրվի հանձնարարելուց առաջ): Գրաճանաչության ուսուցումը միակողմանի գործընթաց չէ, և այստեղ ծնողը ևս անելիք ունի. մի՞թե երեխան այս շրջանում ինքնահոսի է մատնված. «Այբբենարանը» ինքնուսույց չէ: Ինչ վերաբերում է այն հանգամանքին, որ այժմ սխալը տպավորվել է երեխայի մեջ, ապա դա հեշտությամբ կարելի է բացատրել և ուղղել. գրաճանաչության ընթացքում նա շատ ավելի մեծ դժվարություններ է հաղթահարել և առաջիկայում դեռ գրությամբ ու արտասանությամբ տարբերվող բառերի մի հսկա շարք է սպասվում նրան: Մեր կողմից վստահեցնում ենք, որ հեղինակներին կառաջարկվի այդ առաջադրանքի մատուցման եղանակը վերանայել: Լիլիթ Տեր-Գրիգորյան»: Նախարարն ավելացրել է, որ տետրը հրատարակվել է «Էդիթ Պրինտ» հրատարակչության կողմից, որի տնօրենը հավաստիացրել է, որ այս ուսումնական տարում, վերահրատարակվելիս, նշված առաջադրանքը տետրից կհանվի (տետրը տպագրվում է «Այբբենարանին» կից): Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |