PanARMENIAN.Net -ի թղթակցին «Բարսելոնայի» մամուլի ծառայությունում ասացին, որ իրենք հրաժարվում են մեկնաբանել այն լուրերը, թե ակումբը հետաքրքրված է Հայաստանի հավաքականի կիսապաշտպան Հենրիխ Մխիթարյանի ծառայություններով: «Եթե ակումբը մտադրություն ունենա գնել Մխիթարյանին, այդ տեղեկությունը կհայտնվի մեր կայքում»,-հայտարարել են մամուլի ծառայությունում:
Ավելի վաղ gerüchteticker.com-ը գրել էր, որ իսպանական «Բարսելոնան» ցանկանում է ձեռք բերել Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանին: Մխիթարյանի համար ակումբը պատրաստ է վճարել Դոնեցկի թիմին 25 մլն եվրո: