Չեխիայի հավաքականի ամենաերիտասարդ խաղացող Մատեյ Վիդրան, որը երկու անգամ գրավեց Հայաստանի հավաքականի դարպասը, խոստովանել է, որ դա լավագույն երեկոն էր իր կարիերայում: Չեխիան հաղթեց 3:0 հաշվով:
«Ես շատ ուրախ եմ, որ խաղացի այս հանդիպմանը, դա նշանակում է, որ մարզիչը հավատաց իմ ուժերին: Հայաստանի հետ խաղում ես վճռական էի տրամադրված, ինչն էլ օգնեց ինձ երկու գոլ խփել»,-հարձակվողի խոսքն է մեջբերում lidovky.cz-ը:
«Հիմա ես պետք է պահպանեմ իմ մարզավիճակը, որպեսզի հունիսին պատրաստ լինեմ Իտալիայի հետ խաղին»,-ասել է Վիդրան: