Պենտագոնի ղեկավարը բարձր է գնահատել Հայաստանի մասնակցությունը ահաբեկչության դեմ պայքարին29 հոկտեմբերի 2005 - 15:51 AMT PanARMENIAN.Net - Հայաստանի նախագահին առընթեր ազգային անվտանգության խորհրդի քարտուղար, պաշտպանության նախարար Սերժ Սարգսյանը, Միացյալ Նահանգներ կատարած պաշտոնական այցի շրջանակներում Պենտագոնում հանդիպել է ԱՄՆ-ի պաշտպանության քարտուղար Դոնալդ Ռամսֆելդի հետ: Այդ մասին PanARMENIAN.Net ին է հաղորդել ՀՀ պաշտպանության նախարարի մամլո քարտուղար գնդապետ Սեյրան Շահսուվարյանը: Հանդիպման ընթացքում Պենտագոնի ղեկավարը վերահաստատել է Հայաստանի հետ ռազմատեխնիկական գործընկերությունը զարգացնելու ԱՄՆ-ի կառավարության մտադրությունը եւ բարձր է գնահատել մեր երկրի մասնակցությունը հակաահաբեկչական պայքարում: Սերժ Սարգսյանն իր հերթին շնորհակալություն է հայտնել ռազմական ոլորտում ցուցաբերվող օժանդակության համար` նշելով, որ Հայաստանի իշխանությունները պատրաստակամ են խորացնելու ԱՄՆ-ի հետ համագործակցությունը պաշտպանության բնագավառում: Լրագրողների հետ զրույցում Դոնալդ Ռամսֆելդը, մասնավորապես, ասել է. «Մենք շատ ուրախ ենք կրկին ողջունել Հայաստանի պաշտպանության նախարարին Պենտագոնում: Ուրախ ենք նաեւ, որ կարողացանք կազմակերպել լավ այցելություն ու քննարկել շատ հարցեր, որոնց ուղղությամբ համատեղ աշխատում ենք: Հայտնի է, որ Հայաստանն Իրաքում ունի խաղաղապահ ստորաբաժանում, որի զինծառայողները հոյակապ են գործում, եւ նախարարը կարող է հպարտանալ նրանցով: Մենք համագործակցում ենք պաշտպանական բարեփոխումների ոլորտում, եւ այցի ընթացքում ես ստացա ամենավերջին տեղեկությունները դրա վերաբերյալ»: Անդրադառնալով հայ-ամերիկյան ռազմական համագործակցությանը` Սերժ Սարգսյանը նշել է. «Իրականում մեր հարաբերությունները շատ բարձր եմ գնահատում, եւ այս այցի ժամանակ կազմակերպված միջոցառումները դրա ապացույցն էին: Մենք իրավունք չունենք չօգտվելու այս լավ հնարավորություններից` վերափոխելու համար մեր զինված ուժերը: Մենք անպայման դա անելու ենք»: Պատասխանելով լրագրողների այն հարցին, թե ինչպե՞ս է գնահատում ռազմական ոլորտում հայ-ամերիկյան հարաբերությունների հեռանկարը` Դոնալդ Ռամսֆելդն ասել է. «Ես դա գնահատում եմ շատ լավ: Մեր զինվորականները պարբերաբար խորհրդակցություններ են անցկացնում: Հայաստանի պաշտպանության նախարարը բովանդակալից այցելություններ կատարեց ամերիկյան մի շարք ռազմակայաններ, եւ առհասարակ այցը շատ լավն էր»: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |