  Samsung Galaxy S4-ը Հայաստանում կլինի մայիսի 4-ից ու կարժենա մոտ 395.000 դրամ  4 ապրիլի 2013 - 13:05 AMTPanARMENIAN.Net - Samsung Galaxy S4-ը պաշտոնապես ներկայացվեց նաև Հայաստանում: Էլեկտրոնիկա արտադրող հարավկորեական ընկերության նոր արտադրանքի շնորհանդեսը Երևանում Ամիրյան 12 հասցեում գտնվող խանութ-սրահում էր, բայց վաճառքի հանվելուց հետո` նախնական տվյալներով մայիսի 4-ից, Galaxy S4-ը կարող եք ձեռք բերել միաժամանակ բոլոր` Samsung, Mobile Center, Orange և Fine վաճառասրահներից: Samsung Galaxy S-ի 4-րդ սերունդն ավելի ամուր է ու բարակ, ավելի կատարելագործված հնարավորություններով: Ընկերության շարժական սարքավորումների գծով պատասխանատու Աշոտ Բուդաղյանը շնորհանդեսի ժամանակ մանրամասնեց. «Samsung Galaxy S4-ի չափսը, S3-ի համեմատ, նույնն է, բայց էկրանն է փոփոխությունների ենթարկվել: Այն 5 դյույմանոց է, 1920x1020 թողունակությամբ, Super AMOLED տեխնոլոգիայով պատրաստված: Սմարթֆոնը 2 տեսախցիկ ունի` 13 մեգապիքսելանոց հետևի մասում և 2 մեգապիքսելանոց` առջևի: Դրանց միջոցով օգտատերը հնարավորություն կունենա օգտվել Smart Pause, Smart Scroll, Air View և Air Gesture նորարար ֆունկցիաներից: Օրինակ, առանց էկրանին դիպչելու տեսնել հաղորդագրության տեքստը և թերթել էջերը, դիտել ֆոտոալբոմի լուսանկարները, զանգեր կատարել կամ այլ կերպ կառավարել հեռախոսը»: «Samsung Ղազախստան և Կենտրոնական Ասիա» ՍՊԸ-ի նախագահ Սին Սիկ Չոյն ավելացրեց. «Սա դիզայնի և տեխնիկական պարամետրերի գլուխգործոց է: Հայաստանում սպառողները խելացի են և հետևում են տեխնիկական թրենդին, այնպես որ Samsung Galaxy S4-ը նրանց դուր կգա»: Իսկ հայաստանցի գնորդի համար հեռախոսի մեկնարկային գինը 390.000-395.000 դրամ կլինի: Samsung-ի հայաստանյան ներկայացուցչության ղեկավար Անդրանիկ Շահբազյանը նշեց, որ այն դեռ հստակ որոշված չէ 2 պատճառով` արտադրանքը դեռ վաճառքում չէ և գինը պայմանավորում են նաև գործընկերների հետ համաձայնությամբ: «Samsung» ընկերությունն իր գործընկերների հետ սպառողներին ընձեռնում են բացառիկ հնարավորություն` նախապես գրանցվել և 1-ինը գնահատել նոր սերնդի Galaxy S4 սմարթֆոնի հնարավորությունները։ Բացի այդ, մենք պատրաստել ենք անակնկալ նախնական պատվերի միջոցով գնում իրականացրած բոլոր գնորդների համար` S View Cover պատյանը»,- ասաց Անդրանիկ Շահբազյանը։ Շնորհանդեսի ժամանակ ներկայացվեց նաև հատուկ այս առիթով ստեղծված ֆեյսբուքյան նախագիծը, որի հաղթող մասնակիցը կշահի նոր սերնդի Galaxy S4 սմարթֆոնը: Իսկ հաղթելու համար հարկավոր է կարճ` մոտ 2 րոպե տևողությամբ հոլովակ նկարահանել, որում կներկայացվի Երևանը` լավագույն կողմից: Ապա հոլովակը պետք է ներբեռնել Samsung-ի ֆեյսբուքյան էջում ու սպասել առավելագույն լայքերի:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   Ամենաընթերցվողը բաժնում |  Վերջին լուրեր Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը  Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնումՓաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանըՈւրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ինՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |
