Լոնդոնում շախմատի հավակնորդների մրցաշարի ավարտից հետո, որտեղ Լևոն Արոնյանը զբաղեցրեց 3-րդ տեղը, Գարրի Կասպարովը կարծիք է հայտնել, որ հայ շախմատիստն ամուր չգտնվեց:
«Արոնյանը պատրաստ չէր տիտղոսի համար պայքարի մթնոլորտին: Լևոնը, հավանաբար, կոտրվեց դեռ 7-րդ տուրում, երբ չկարողացավ հաղթել Գրիշչուկին իր համար շահեկան դիրքում»,- աշխարհի նախկին չեմպիոնի խոսքն է մեջբերում crestbook.com-ը:
Ըստ Կասպարովի, հիմնականում, մրցաշարը ցույց տվեց, թե ով ով է: Հիշեցնենք, որ հաղթող դարձավ Մագնուս Կարլսենը, որն աշխարհի տիտղոսի համար կպայքարի Վիշվանաթան Անանդի հետ: