Տեղի է ունեցել Ֆրանկոֆոնիայի ամսվա փակման հանդիսավոր արարողությունը12 ապրիլի 2013 - 20:41 AMT PanARMENIAN.Net - Երևանի պետական լեզվաբանական համալսարանում տեղի է ունեցել Ֆրանկոֆոնիայի ամսվա փակման հանդիսավոր արարողությունը: Միջոցառմանը ներկա են եղել ԵՊԼՀ ռեկտոր Գայանե Գասպարյանը, ՀՀ-ում Ֆրանսիայի Հանրապետության արտակարգ և լիազոր դեսպան Անրի Ռենոն, մշակութային հարցերով դեսպանի խորհրդական Ժան-Միշել Կասբարյանը, ՀՀ-ում Ֆրանսիայի Հանրապետության Ֆրանսերենի հարցերով կցորդ, Արտակարգ հարցերի գծով պատասխանատու Ֆաբիեն Ներան, ՀՀ ԱԳՆ-ի Ֆրանկոֆոնիայի հարցերով խորհրդական, դեսպան Քրիստիան Տեր-Ստեփանյանը: Ռեկտոր Գայանե Գասպարյանն ամփոփել է վերջին մեկ ամսում Ֆրանկոֆոնիայի շրջանաներում ԵՊԼՀ-ում անցկացված միջոցառումները: «Ֆրանկոֆոնիայի հագեցած ամսվա շրջանակներում ԵՊԼՀ-ում բացվեց Ակադեմիական նվաճումների կենտրոնը, որով հիմք դրվեց գիտահետազոտական և ակադեմիական նվաճումներին»,-ասել է նա և շնորհակալություն հայտնել հյուրերին, ֆրանկոֆոն ուսանողներին ու դասախոսներին: Ներկաներին ողջունել են նաև ՀՀ-ում Ֆրանսիայի Հանրապետության արտակարգ և լիազոր դեսպան Անրի Ռենոն և ՀՀ ԱԳՆ-ի Ֆրանկոֆոնիայի հարցերով խորհրդական Քրիստիան Տեր-Ստեփանյանը: Փակման արարողությանը հաջորդել են ֆրանկոֆոն ուսանողների և դասախոսների համատեղ ջանքերով բեմադրված մի շարք ներկայացումներ՝ Ժան Կոկտոյի «Ձայն մարդկային» պիեսի, Ստենդալի «Կարմիրը և Սևը» նշանավոր վեպի, ինչպես նաև «Կարմիր գլխարկը», «Փոքրիկ իշխանը» ստեղծագործությունների հիման վրա: Հիշեցնենք, որ Ֆրանկոֆոնիայի միամսյակը Հայաստանում մեկնարկել է մարտի 19-ին, հայտնում են ԵՊԼՀ-ի մամուլի ծառայությունից:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |
