«Բարգավաճ Հայաստան» կուսակցությունը պատրաստ է համագործակցել քաղաքական ուժերի, այդ թվում՝ ՀԱԿ-ի հետ: ՀԱԿ հիմնադիր համագումարում ԲՀԿ պատվիրակության ներկայացուցիչ Ստեփան Մարգարյանը նկատեց, որ ՀԱԿ-ը ստեղծվում է այնպիսի քաղաքական ուժերի բազայի վրա, ովքեր գալիս են արցախյան շարժման և պետականության ձևավորման ակունքներից:ԲՀԿ ներկայացուցիչը վստահություն հայտնեց, որ նորաստեղծ կուսակցությունն իր ուրույն տեղն է ունենալու: Ստեփան Մարգարյանը ՀԱԿ-ին մաղթեց հաջողոթյուններ նախընտրական շրջանում և ընտրությունների բուն արդյունքում:
Նա նաև նկատեց, որ դեռ ընտրություններից առաջ ԲՀԿ առաջնորդ Գագիկ Ծառուկյանը հանդես է եկել լայն կոնսոլիդացիա ձևավորելու նախաձեռնությամբ, ինչը արդիական է նաև այսօր: Բոլոր ուժերի և հնարավորությունների համախմբումը կլուծի երկրի առաջ ծառացած խնդիրները, վստահ է ԲՀԿ-ն:
