Հայաստանի պաշտպանության փոխնախարար, գեներալ-լեյտենանտ Արթուր Աղաբեկյանն այսօր ընդունել է Հայաստանում Գերմանիայի դեսպան Հայկե Ռենատե Փայչին: Այդ մասին PanARMENIAN.Net-ին է հաղորդել է ՀՀ պաշտպանության նախարարի մամլո քարտուղար, գնդապետ Սեյրան Շահսուվարյանը: Հանդիպման ընթացքում քննարկվեցին Գերմանիայի զինված ուժերի պատվիրակության` առաջիկայում Հայաստան կատարելիք այցի հետ կապված խնդիրները եւ Գերմանիայի կողմից ՀՀ զինված ուժերին անվտանգության քաղաքականության բնագավառում խորհրդատվություն ցուցաբերելու հնարավորությունները: Ա.Աղաբեկյանը դեսպանին ներկայացրեց Հայաստան-ՆԱՏՕ Անհատական գործընկերության գործողությունների ծրագիրը, ինչպես նաեւ ՀՀ ԶՈՒ-ում նախատեսվող բարեփոխումների շրջանակը: Կողմերը կարծիքներ փոխանակեցին հայ-գերմանական ռազմական համագործակցության զարգացման հեռանկարների, տարածաշրջանային եւ միջազգային անվտանգության խնդիրների շուրջ: