Թուրքիայի ԱԳՆ-ն դեռևս չի հաստատում, որ Բոստոնի ահաբեկչության կասկածյալները ԱՄՆ են ժամանել թուրքական անձնագրերով, հայտնում է «ՌԻԱ Նովոստի» գործակալությունը: «Մենք դեռևս տեղեկատվություն չունենք, որ Բոստոնի ահաբեկչության կասկածյալները ԱՄՆ են ժամանել թուրքական անձնագրերով: Ոմանք ասում են, որ նրանք Ղազախստանից են եկել, մյուսները՝ էլի ինչ-որ տեղից: Սակայն, ահաբեկչությամբ զբաղվող անձինք ինչ անձնագիր ասես կարող են ունենալ»,-ասել են Թուրքիայի ԱԳՆ-ում գործակալության ներկայացուցչին:
AP գործակալությունը անհայտ աղբյուրների վրա հղումով ավելի վաղ հայտնել էր, որ կասկածյալները ՌԴ քաղաքներից մեկում են ծնվել, որը սահմանակից է Չեչնիային: Ավելի ուշ NBC հեռուստաալիքը հաղորդեց, որ Ցարնաև եղբայրները ունեն Թուրքիայի քաղաքացիություն և մուտք են գործել ԱՄՆ թուրքական անձնագրերով:
Ըստ ԶԼՄ-ների 19-ամյա Ջոխար Ցարնաևը կարողացել է թաքնվել ոստիկանությունից, իսկ նրա եղբայրը՝ Տամերլանը մահացել է ոստիկանության հետ փոխհրաձգության ժամանակ ստացած վերքերից:
