Այսօր`18.34-ին, ՀՀ ԱԻ նախարարությունում տեղեկատվություն է ստացվել, որ Երևանի Նանսենի փողոցի թիվ 9 հասցեում տեղի է ունեցել ՃՏՊ, ավտոմեքենայից առկա է գազի արտահոսք:

ԱԻՆ լրատվական ծառայությունից հայտնում նե, որ դեռևս չբացահայտված հանգամանքներում Նանսենի փողոցի թիվ 12 հասցեիմոտակայքում բախվել են «Լադա Պրիորա» մակնիշի 48 MM 008 պետհամարանիշի և «Վոլկսվագեն Բոռա» մակնիշի 91 QQ 991 պետհամարանիշի ավտոմեքնենաները, ինչի հետևանքով «Լադա Պրիորա» մակնիշի ավտոմեքենայի վարորդ` 1984 թ. ծնված Արթուր Մալոյանը և ուղևոր` 1988 թ. ծնված Արմեն Գրիգորյանը, մինչ հրշեջ-փրկարարների կանչի վայր հասնելը, տեղափոխվել են «Սրբ. Գ.Լուսավորիչ» բժշկական կենտրոն:

Տուժածներիի առողջական վիճակըբժիշկները գնահատել են բավարար:

«Վոլկսվագեն Բոռա» մակնիշի ավտոմեքենայիվարորդը տեղափոխվել է ՀՀ ոստիկանության Երևանի վարչության Նոր-Նորքի ոստիկանական բաժանմունք:

Հրշեջ-փրկարարները կանխել են «Լադա Պրիորա» մակնիշի ավտոմեքենայից գազի արտահոսքը: