Այսօր Աջափնյակում դեռևս անհայտ հանգամանքներում մի խումբ երիտասարդներ հարձակվել են բուկլետներ բաժանող ՀԱԿ ակտիվիստների վրա: Ծեծկռտուքի արդյունքում տուժել է Ալիկ անունով մի երիտասարդ, ով այս պահին գտնվում է Հանրապետական հիվանդանոցում: Ավագանու ընտրություններում ՀԱԿ ցուցակը գլխավորող Վահագն Խաչատրյանը PanARMENIAN.Net-ի թղթակցի հետ զրույցում ասաց, որ վնասվել է երիտասարդի գլուխը:

Վահագն Խաչատրյանն ասաց, որ ծեծկռտուքին ներկա մյուս երիտասարդներն այս պահին ոստիկանության Մաշտոցի բաժանմունքում են և հաղորդում են տալիս կատարվածի մասին: