Վերջին անգամ հանդիպել են ՀՀ նախագահը և ՌԴ արտակարգ և լիազոր դեսպան Վ.Կովալենկոն26 ապրիլի 2013 - 19:38 AMT PanARMENIAN.Net - Նախագահ Սերժ Սարգսյանն այսօր ընդունել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոյին, ով ավարտում է իր դիվանագիտական առաքելությունը մեր երկրում: Այս մասին PanARMENIAN.Net ին տեղեկացնում են նախագահի աշխատակազմի հասարակայնության և տեղեկատվության միջոցների հետ կապի վարչությունից: Սերժ Սարգսյանը շնորհակալություն է հայտնել դեսպան Կովալենկոյին՝ պաշտոնավարման ժամանակաշրջանում հայ-ռուսական ռազմավարական դաշնակցային հարաբերությունների զարգացման գործում ներդրած ջանքերի համար: Նախագահի խոսքով, վերջին մի քանի տարիները բավականին արդյունավետ են եղել Հայաստանի դաշնակից և հիմնական տնտեսական գործընկեր Ռուսաստանի հետ հարաբերությունների առավել ամրապնդման ու բոլոր բնագավառներում համագործակցության խորացման առումով, ինչի վկայությունն են ՌԴ նախագահի հետ այդ ժամանակահատվածում իր ունեցած գրեթե հինգ տասնյակ հանդիպումները, տարբեր մակարդակի բազմաթիվ փոխայցելությունները, այդ թվում՝ երկու պետական այցերը, ինչպես նաև ստորագրված կարևորագույն մի շարք փաստաթղթերը: Այդ ամենը, ըստ Հանրապետության նախագահի, երկկողմ հարաբերությունները որակական նոր մակարդակի են բարձրացրել: Սերժ Սարգսյանը նշել է, որ Հայաստանը հետաքրքրված է այդ հարաբերությունները պահպանելու և շարունակաբար խորացնելու գործում, ինչը բխում է երկու բարեկամ ժողովուրդների և պետությունների շահերից: ՌԴ դեսպան Վյաչեսլավ Կովալենկոն շնորհակալություն է հայտնել նախագահ Սերժ Սարգսյանին՝ ջերմ խոսքերի և բարձր գնահատականի համար: Նա նշել է, որ ամփոփելով անցած տարիների աշխատանքը, ինքն էլ որոշակի բավարարվածության զգացումով է հեռանում Հայաստանից և հպարտ է, որ կարողացել է իր գործունեությամբ նպաստել հայ-ռուսական հարաբերությունների զարգացմանը: Վյաչեսլավ Կովալենկոն վստահեցրել է, որ այսուհետ էլ կշարունակի մնալ Հայաստանի բարեկամը և հնարավորության սահմաններում իր նպաստը կբերի Հայաստանի և Ռուսաստանի բարեկամության առավել ամրապնդմանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Խաչատուրյանը և ՎԶԵԲ նախագահը քննարկել են ՀՀ կապիտալի շուկայի զարգացումը, ենթակառուցվածքների ֆինանսավորումը Կողմերը երկուստեք բարձր են գնահատել համատեղ իրականացվող ծրագրերը ԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունը Զարգացման ֆրանսիական գործակալությունը մտադիր է ընդլայնել ՀՀ հետ գործակցության ուղղություններն ու ծրագրերի ծավալները Քննարկվել են Վեդու ջրամբարի կառուցման ընթացքին վերաբերող հարցեր Զախարովա․ Արևմուտքն անդադար խոսում է Վրաստանի ցույցերից՝ անտեսելով ՀՀ–ի ակցիաները Նա խոսել է Հայաստանում ցուցարարների զանգվածային բերման ենթարկելու դեպքերի մասին Արևմուտքի «մեռելային լռության» մասին |