Բոլոր հայ ձյուդոիստներն ավարտել են ելույթները Բուդապեշտում ընթացող Եվրոպայի առաջնությունում: Մինչև 100կգ քաշային կարգում վերջինը հանդես եկավ Հակոբ Առաքելյանը, նա զիջեց Եվգենիս Բորոդավկոյին (Լատվիա):
Առաջնությունում Հայաստանի բոլոր ներկայացուցիչներն անհաջող հանդես եկան: Մեկ հաղթանակ տարավ միայն Արմեն Նազարյանը (66կգ), մյուս ձյուդոիստները՝ Ռաֆայել Դավթյանն ու Մհեր Կարապետյանը (81կգ), Գոռ Հարությունյանը (66կգ) և Հովհաննես Դավթյանը (60կգ) պայքարից դուրս մնացին առաջին իսկ մենամարտերում: