Թուրքական բանակը մտադիր չէ հեռանալ այն տարածքներից, որ լքել են քուրդ գրոհայինները, ասվում է Թուրքիայի ԶՈւ կայքում:
Թուրքիայի ԶՈւ-ն մտադիր չէ նաև կրճատել զորակազմի ու տեխնիկայի քանակը այդ շրջաններում:
Ազատազրկման մեջ գտնվող ՔԱԿ առաջնորդ Աբդուլլահ Օջալանը ավելի վաղ կոչ էր արել իր կողմնակիցներին զենքը վայր դնել ու լքել երկրի տարածքը:
Թուրքիայի իշխանությունները խոստացել էին անվտանգ ելք ապահովել նրանց համար: Այդ գործընթացը մեկնարկում է մայիսի 8-ին: