Այսօրվա ՀՀԿ-ի Գերագույն մարմնի նիստին քննարկվել են ներկուսակցական հարցեր ու նախընտրական ընտրարշավը։ Այս մասին նիստի ավարտին լրագրողների հետ ճեպազրույցում ասաց ՀՀԿ մամուլի խոսնակ Էդուարդ Շարմազանովը՝ հավելելով, որ «թիմը դրական է գնահատել Տարոն Մարգարյանի նախընտրական քարոզարշավը»։

«Կուսակցությունը կարևորել է քարոզարշավի ժողովրդավարական ընթացքն ու մենք ամեն ինչ կանենք, որ ընտրություններն անցնեն բաց ու թափանցիկ»,-ասաց Շարմազանովը:

Հարցին քննարկվե՞լ է արդյոք նիստի ժամանակ կառավարության կազմը, Շարմազանովը պատասխանեց, որ կառավարության կազմի վերաբերյալ քննարկումներ չեն եղել․ կառավարության կազմը կներկայացվի օրենքով սահմանված ժամկետում։