Արմեն Ռուստամյան .Երբ մարդիկ խռովել են և չեն հետևել Դաշնակցությանը, կորցրել են

PanARMENIAN.Net - Շառլ Ազնավուրի անվան հրապարակում շարունակվող ՀՅԴ հանրահավաքի ժամանակ ելույթ ունեցավ նաև համասնական ցուցակի 1-ին համար Արմեն Ռուստամյանը:

Դիմելով հանրահավաքի մասնակիցներին նա ասաց.«Եկեք 5 րոպե հատկացնենք, գնանք հինգ համարին ընտրենք ու հինգ օր հետո կունենանք մեր երազած լուսաբացը»:

Ա. Ռուստամյանի խոսքով`երբ ժողովուրդը գնացել է իրենց ետևից՝ հաղթել է, իսկ որ երբ ժողովրդի կողքին է կանգնելու ու պայքարելու անհրաժեշտություն է եղել, Դաշնակցությունն 1-ին շարքում է եղել:

«Երբ խռովել են մարդիկ ու չեն հետևել մեզ, կորցրել են, մենք ասում ենք, որ էլ կորցնելու տեղ չկա: Այս երկիրը ստեղծվեց, որ մարդիկ այսօր երազեն` գնա՞ն: Եթե ուզում ենք ընտրական ճանապարհով հեղափոխություն կատարվի, եկեք դա անենք մայիսի 5-ին: Ես չեմ ուզում անցյալը փորփրել, չկարողացանք հասնել նրան, որ նախագահին փոխելով փոխվի վիճակը, բայց հստակ ասում եմ, որ կարող ենք դրան հասնել՝ փոխելով քաղաքապետին»,-ասաց նա: