Հայտնի է Orange-ի այն բաժանորդի անունը, ով կդառնա Կաննի կինոփառատոնի պատվավոր հյուրը (վիդեո) 4 մայիսի 2013 - 17:43 AMT PanARMENIAN.Net - Այսօր հայտնի է դարձել «Դեպի Կանն» Facebook մրցույթի հաղթողը: Նա 21-ամյա Մուշեղ Թորոսյանն է, որի հեղինակած տեսանյութը դարձել է 10 ամենաշատ ձայներ հավաքած տեսանյութերից մեկը և արժանացել է Orange-ի ժյուրիի ամենաբարձր գնահատականին: Այսօր Orange-ի գլխավոր տնօրեն Ֆրանսիս Ժելիբտերը Մուշեղին հանձնեց բաղձալի մրցանակը` Կաննի միջազգային կինոփառատոնին որպես պատվավոր հյուր մասնակցելու ուղեգիր երկու հոգու համար՝ ներառյալ ավիատոմսեր, համար հինգաստղանի հյուրանոցում, անձնական վարորդ և մուտք դեպի կինոփառատոն կարմիր գորգով, կինոաստղերի հետ միասին: Մուշեղն իր ընտրած անձի հետ միասին Կաննում կլինի մայիսի 23-ին: Ապրիլի 13-ից 26-ը Orange-ի ձայնային ծառայությունների բոլոր բաժանորդները ունեին հնարավորություն ձեռք բերելու Կաննի միջազգային կինոփառատոնին որպես պատվավոր հյուր մասնակցելու ուղեգիր երկու հոգու համար: Դրա համար պարզապես անհրաժեշտ էր մասնակցել Facebook-ում Orange-ի էջում կազմակերպված մրցույթին “Ես սիրում եմ կինոն, ես սիրում եմ Կաննի փառատոնը” թեմայի շուրջ մինչև 1 րոպե տևողությամբ կարճ տեսանյութով: Մրցանակի հանձնման արարողությանը ներկա մյուս մասնակիցները, ովքեր հայտնվել էին ամենաշատ քվե ստացած տասնյակում, ստացան անակնկալ նվեր Orange-ի և «Մոսկվա» կինոթատրոնի կողմից. կինոյի բաժանորդագրություն երեք ամսով: «Շնորհավորում ենք բոլոր տասը հաղթողներին և հատկապես Մուշեղին: Շնորհակալ ենք մեր այն բոլոր բաժանորդներին, ովքեր մասնակցեցին` հավատալով, որ անհավանական բաները հնարավոր են Orange-ի հետ, մասնակցեցին մրցույթին իրենց յուրօրինակ ու զվարճալի տեսանյութերով ու երկու շաբաթ շարունակ պայքարում էին իրենց երազանքի համար: Մեր բաժանորդին Կաննում կընդունեն իսկական աստղի նման», ասաց Orange-ի գլխավոր տնօրեն Ֆրանսիս Ժելիբտերը: Մրցույթին մասնակցել են ընդհանուր թվով 23 մասնակից, որոնք բոլորը միասին հավաքել են 9,137 քվե-like և որոնց տեսանյութերը Youtube կայքում դիտվել են ավելի քան 11,000 անգամ: Հիշեցնենք, որ Orange-ը Կաննի կինոփառատոնի պաշտոնական գործընկերն է արդեն ավելի քան 10 տարի, իսկ Հայաստանում արդեն չորրորդ տարին է հնարավորություն տալիս իր բաժանորդներին մասնակցել փառատոնին որպես պատվավոր հյուր: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |