«Ժառանգություն» կուսակցության առաջնորդ Րաֆֆի Հովհաննիսյանը մայիսի 9-ին ժամը 18:00-ին Ազատության հրապարակում հանրահավաք է հրավիրել: «Ժառանգության» առաջնորդը հանդես է գալու հրապարակային հաղորդմամբ:

Ազատության հրապարակում «Ժառանգության» վերջին հանրահավաքը մայիսի 1-ին էր: Րաֆֆի Հովհաննիսյանը հայտարարել էր, որ ապրիլի 9-ի երդումից ոչինչ իրենց հետ չի կանգնացնելու. «Պայքարը մերն է, և պայքարն ընթացքի մեջ է: Ես պատրաստ եմ պայքարը տանել մինչև վերջ: Մի քանի ամիս կտևի, թե մի քանի տարի, բայց հինգ տարի այս իշխանությունը չի նստելու Բաղրամյան 26-ում»: