Սիրիայի գրանցված փախստականների թիվը կազմում է 1 մլն 515 հազար 639 մարդ, ասվում է ՄԱԿ փախստականների գծով գերագույն հանձնակատարի վարչության զեկույցում:
Այս տարեսկզբից երկրից հեռացել է գրանցված փախստականների երկու երրորդը: Ընդ որում, ըստ զեկույցի, ամենևին ոչ բոլոր փախստականներն են գրանցվում այն երկրներում, որտեղ հաստատվում են:
Փախստականների մեծ մասը ապաստան է գտել Հորդանանում, Լիբանանում, Թուրքիայում և Իրաքում, հայտնում է ՌԲԿ-ն: Բուն Սիրիայում ներքին տեղահանվածքների թիվը հասնում է 4 միլիոնի: