«Օրինաց երկիր» կուսակցության կենտրոնական գրասենյակում կուսակցության ընդլայնված քաղաքական խորհուրդը ՀՀ վարչապետի և Կառավարության մի շարք անդամների հետ քննարկել է Կառավարության ծրագիրը:
Վարչապետ Տիգրան Սարգսյանը ներկայացրել է ծրագրի գերակայությունները, նշել, որ հիմքում ընկած են Հայաստանի Հանրապետական և «Օրինաց երկիր» կուսակցությունների նախընտրական ծրագրերի հիմնադրույթները: Քննարկման ընթացքում լայն անդրադարձ է կատարվել սոցիալական, տնտեսական, առողջապահական, կրթության և գիտության, պաշտպանության, գյուղատնտեսության և մի շարք այլ ոլորտներին, մատնանշվել են այդ ոլորտներում առկա հիմնախնդիրները և լուծման մեխանիզմները:
«Օրինաց երկիր» խմբակցությունը կուսակցության բոլոր առաջարկությունները կներկայացնի Աժ առաջիկա նիստում` Ծրագրի ամփոփիչ քննարկման և հաստատման ժամանակ:
