Հայաստանի սպորտի և երիտասարդության հարցերի նախարարության մասսայական սպորտի և ֆիզիկական դաստիարակության քաղաքականության վարչության նախաձեռնությամբ «ԱՅԲ» կրթական հանգույց հիմնադրամում Հայաստանի մանկատների և գիշերօթիկ հաստատությունների սաների միջև իրականացվել է մայիսյան հաղթական տոներին նվիրված Սպորտլանդիա մարզական միջոցառումը:

Միջոցառմանը մասնակցել են Գեղարքունիքի մարզի Գավառի մանկատան, Երևանի երեխաների խնամքի և պաշտպանության N 1 գիշերօթիկ հաստատության, Կոտայքի մարզի «SOS» գյուղի երեխաները: Մասնակից երեխաների թիմի կազմում էին 5 տղա և 5 աղջիկ, որոնք մրցում էին ծրագրով նախատեսված 6 մրցաձևերում:

Միջոցառման մասնակից հաստատությունները պարգևատրվել են նախարարության շնորհակալագրերով, իսկ մասնակից երեխաները` միջոցառման հովանավորների հատկացրած նվերներով: