«Ռոսպոտրեբնադզորը» թույլ է տվել 5 հայկական ընկերությունների ձկնամթերք արտահանել Ռուսաստան

23 մայիսի 2013 - 13:57 AMT

PanARMENIAN.Net - ՀՀ գյուղնախարարության սննդամթերքի անվտանգության պետական ծառայությունը ստուգումներ է անցկացրել այն ընկերություններում, որոնք ցանկություն են հայտնել ձկնամթերք արտահանել Ռուսաստան:

Ինչպես ասել է սննդամթերքի անվտանգության պետական ծառայության պետ Աբրամ Բախչագուլյանը, ստուգումներից հետո, «Ռոսպոտրեբնադզոր» են ուղարկվել եզրակացությունները, որոնց հիման վրա 19 ձկնաբուծական ընկերություններից 5-ը գրանցվել են և թույլտվություն են ստացել արտահանելու իրենց արտադրանքը ռուսական շուկա:

«Ես երեկ նամակ եմ ստացել մեր ռուս գործընկերներից, որտեղ ասվում է, որ մյուս ընկերությունների գրանցման հարցը կդիտարկվի ընդունված ժամկետներում»,-ասել է նա՝ ներկայացնելով Հայաստանի Վերահսկիչ պալատի եզրակացությունը ռուսական գործընկերների հետ աշխատանքի վերաբերյալ:

Բացի այդ, լուծվել է նաև հավաստագրերի փոխադարձ ճանաչման հարցեը, որտեղ Հայաստանը Ռուսաստանի համար հանդես է գալիս որպես երրորդ երկիր:

Անուշադրության չի մատնվել նաև ապրանքների սահմանային հսկողության հարցը, որոնք Հայաստանից արտահանվում են Ռուսաստան, և դրանց լաբորատոր փորաձքննության հարցը: Բախչագուլյանը հայտնել է, որ Հայաստանում արդեն ներդրվել է ռիսկերի վրա հիմնված ստուգումների համակարգ, որից ելնելով անհրաժեշտություն է առաջացել փոփոխություններ կատարելու 2 օրենքներում, որոնք շուտով կներկայացվեն կառավարության քննարկմանը:

ՀՀ Վերահսկիչ պալատը ստուգումներ է անցկացրել 2012 Հայաստանի տարբեր պետական մարմիններում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով