 Ատոմ Ջանջուղազյան. Այն միջոցները, որոնք չեն օգտագործվել, համալրում են բյուջեի ազատ մնացորդը 29 մայիսի 2013 - 11:50 AMT PanARMENIAN.Net - 2012 թվականի պետբյուջեի հաշվետվության մեջ ներկայացված ծախսերի կատարողականը շատ տարբեր է: Այս մասին այսօր Ազգային ժողովում պետբյուջեի հաշվետվության ներկայացման ժամանակ ասաց ՀՀ ֆինանսների փոխնախարար, գլխավոր գանձապետ Ատոմ Ջանջուղազյանը: «Նույնիսկ 100 տոկոսը գերազանցող կատարողականներ են եղել: Ունենք երկու փուլ ծախսեր՝ մի մասը ներքին աղբյուրների հաշվին, մի մասը՝ արտաքին ֆինանսավորման: Եթե առաջին դեպքում աղբյուրը պետբյուջեի ներքին աղբյուրներից ստացված եկամուտներն են, ապա երկրորդի դեպքում ծրագրերը իրականացվում են արտաքին աջակցության միջոցների հաշվին՝ դրամաշնորհների և վարկային միջոցների»,- նշեց ֆինանսների փոխնախարարը: Նա նշեց, որ երկրորդ խմբի դեպքում, այն միջոցները որոնք չեն ստացվել կամ ստացվել են, բայց չեն օգտագործվել, ծրագրերի բովանդակային կատարման հետ են կապված: ՀԱԿ խմբակցության պատգամավոր Նիկոլ Փաշինյանի հարցին, թե ուր են գնում այդ չօգտագործված միջոցները, Ատոմ Ջանջուղազյանը պատասխանեց, որ այն միջոցները, որոնք չեն օգտագործվել, համալրում են բյուջեի մնացորդը: «Դրանք չեն անհետանում, տեղափոխվում են հաջորդ տարվա ազատ մնացորդ»,- պարզաբանեց ֆինանսների փոխնախարարը: Նա նշեց, որ 2012-ին արտաքին ֆինանսավորմամբ իրականացվող ծրագրերը կատարևվել են մոտ 60%-ով: Ավելացնենք, որ 2012 թվականի ՀՀ պետական բյուջեի եկամուտները կազմել են շուրջ 939.4 մլրդ դրամ, իսկ ծախսերը` 951.7 մլրդ դրամ, որոնք համապատասխանաբար 100.3%-ով և 97.1%-ով ապահովել են տարեկան ճշտված ծրագրի կատարումը:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
